Прејди на содржината

The Specials

Од Википедија — слободната енциклопедија
The Specials
Животописни податоци
Познат(а) и какоThe Special A.K.A.
ПотеклоКовентри, Англија
Жанрови
Период на активност
  • 1977–1981
  • 1982–1984
  • 1993
  • 1996–2001
  • 2008–2022[3]
Издавачи
Мреж. местоthespecials.com
Поранешни членови
  • Џери Дамерс
  • Хорас Пантер
  • Линвал Голдинг
  • Роди Редиејшн
  • Тери Хол
  • Невил Стејпл
  • Џон Бредбери
  • Дик Кател
  • Рико Родригес

The Specials, познати и како The Special AKA ― англиска ска-група основана во 1977 година во Ковентри.[4] Тие биле особено успешни во нивната матична земја во доцните 1970-ти и раните 1980-ти.

По седум последователни топ-10 синглови во Обединетото Кралство во периодот од 1979 до 1981 година, пејачите од групата Хал и Стејпл, заедно со гитаристот Голдинг, ја напуштиле групата и основале нова група под името Fun Boy Three.[4] Останатите членови продолжиле да снимаат под името The Special AKA, а во 1984 година Џери Дамерс ја распуштил глупата.

Групата повторно се обединила во 1993 година и продолжила со настапи и снимање песни во различни состави (Дамерс не бил вклучен во ниту еден од овие состави) до смртта на Тери Хол во декември 2022 година.

Историја на групата[уреди | уреди извор]

Групата била основана во 1977 година под името Тhe Automatics, а потоа била преименувана во Coventry Automatics.[5] По неколку промени во составот на почетокот, првата стабилна постава на групата ја сочинувале: Тери Хол и Невил Стејпл како пејачи, Џери Дамерс на клавијатури, Линвал Голдинг и Роди Радијејшн на гитари, Хорас Пантер на бас, Џон Бредбери на тапани и Дик Кател и Рико Родригез на хорни.[6]

Членовите го промениле името на групата во The Special A.K.A. The Automatics откако друга група Automatics потпишала договор за снимање со Island Records. Новото име било скратено на The Special AKA, а потоа во The Specials - име кое се користело во поголемиот дел од постоењето на групата.[6]

Во 1979 година, Дамерс ја основал издавачката куќа 2 Tone Records и го издал првиот сингл од групата „Gangsters“, преработка на песната „Al Capone“ од Принс Бастер.

Групата била составена од црни и бели членови и нејзин заштитен знак станале црно-белите шаховски дезени во облекувањето наменети да ги истакнат антирасистичките ставови. Нивниот прв албум, The Specials, го издале во 1979 година, а бил продуциран од Елвис Костело.[7]

Вториот албум на групата, More Specials, не се продавал добро и според Хол бил снимен во време кога се појавиле конфликти во групата.[8] Придружни вокали на првите два студиски албуми на Specials пееле: Криси Хајнд, Рода Дакар (тогаш од Bodysnatchers, а подоцна и од Special AKA) и Белинда Карлајл, Џејн Видлин и Шарлот Кафи од Go-Go's. Во 1981 година групата го објавила неалбумскиот сингл „Ghost Town“ кој се искачил на прво место на британската топ-листа. Но, за време на снимањето на песната за емисијата Top of the Pops, Стејпл, Хол и Голдинг објавиле дека ја напуштаат групата. По напуштањето на групата тие ја основале групата Fun Boy Three.[4]

Останатите членови од групата продолжиле под името „The Special AKA“ (име кое често го користеле на претходните изданија од Specials), а значително изменетата постава на Specials во 1984 година издале нов материјал, меѓу кои и британскииот топ-10 хит-сингл „Free Nelson Mandela“. По ова, основачот Џери Дамерс ја распуштил групата и продолжил со политички активизам.[7]

Групата повторно се обединила во 1993 година и продолжила со настапи и снимање песни во различни состави (Дамерс не бил вклучен во ниту еден од овие состави) до смртта на Тери Хол во декември 2022 година.

Дискографија[уреди | уреди извор]

Како The Specials[уреди | уреди извор]

  • The Specials (1979)
  • More Specials (1980)
  • Today's Specials (1996)
  • Guilty 'til Proved Innocent! (1998)
  • Skinhead Girl (2000)
  • Conquering Ruler (2001)
  • Encore (2019)
  • Protest Songs 1924–2012 (2021)

Како The Special A.K.A.[уреди | уреди извор]

  • In the Studio (1984)

Наводи[уреди | уреди извор]

  1. ↑ Perone, James E. (7 September 2018). Listen to New Wave Rock! Exploring a Musical Genre. ABC-CLIO. ISBN 9781440859694 – преку Google Books.
  2. ↑ „Isolation Discs Podcast - The Specials BONUS“. 7 June 2020.
  3. ↑ Rider, Alan (November 2023). „The Art of Being A Special“. Outside Left. London. Посетено на 19 January 2024.
  4. ↑ 4,0 4,1 4,2 Roberts, David (2006). British Hit Singles & Albums (19th. изд.). London: Guinness World Records Limited. стр. 519. ISBN 1-904994-10-5. Грешка во наводот: Неважечка ознака <ref>; називот „British Hit Singles & Albums“ е зададен повеќепати со различна содржина.
  5. ↑ „The Specials.com“. Архивирано од изворникот на 27 May 2007. Посетено на 1 February 2019.
  6. ↑ 6,0 6,1 Marshall, George (1990). The Two Tone Story. Scotland: S.T. Publishing. ISBN 9780951849736. Грешка во наводот: Неважечка ознака <ref>; називот „:1“ е зададен повеќепати со различна содржина.
  7. ↑ 7,0 7,1 Strong, Martin C. (2000). The Great Rock Discography (5th. изд.). Edinburgh: Mojo Books. стр. 914–915. ISBN 1-84195-017-3.
  8. ↑ „Dave Haslam, Author and DJ – official site“. Davehaslam.com. Архивирано од изворникот на 4 March 2012. Посетено на 19 July 2011.

Надворешни врски[уреди | уреди извор]


Нормативна контрола
Преземено од „https://mk.chped.com/w/index.php?title=The_Specials&oldid=5216627“