ОУ „Димитар Влахов“ - Љубојно
Димитар Влахов | |
---|---|
![]() Поглед на новото централно училиште во Љубојно
| |
Место | |
Општина: | Општина Ресен |
Наречено по: | Димитар Влахов |
Нас. место: | Љубојно |
Местоположба | |
Основни информации | |
Настава на: | македонски |
Контактни информации | |
Мреж. место | dimitarvlahov.wordpress.com/about/ |
Основно училиште „Димитар Влахов“ (официјално: Основно општинско училиште „Димитар Влахов“ - Љубојно; скратено: ООУ „Димитар Влахов“) — единствено основно училиште во селото Љубојно, кое претставува централно за околните села.
Училиштето е сместено на влезот во селото, во нова училишна зграда, изградена во 1971 година.[1]
Историја[уреди | уреди извор]
![](http://chped.net/https/upload.wikimedia.org/wikipedia/commons/thumb/b/b9/%D0%A1%D1%82%D0%B0%D1%80%D0%BE%D1%82%D0%BE_%D1%83%D1%87%D0%B8%D0%BB%D0%B8%D1%88%D1%82%D0%B5_%E2%80%9E%D0%94%D0%B8%D0%BC%D0%B8%D1%82%D0%B0%D1%80_%D0%92%D0%BB%D0%B0%D1%85%D0%BE%D0%B2%E2%80%9C_%D0%B2%D0%BE_%D1%81%D0%B5%D0%BB%D0%BE_%D0%89%D1%83%D0%B1%D0%BE%D1%98%D0%BD%D0%BE.jpg/300px-%D0%A1%D1%82%D0%B0%D1%80%D0%BE%D1%82%D0%BE_%D1%83%D1%87%D0%B8%D0%BB%D0%B8%D1%88%D1%82%D0%B5_%E2%80%9E%D0%94%D0%B8%D0%BC%D0%B8%D1%82%D0%B0%D1%80_%D0%92%D0%BB%D0%B0%D1%85%D0%BE%D0%B2%E2%80%9C_%D0%B2%D0%BE_%D1%81%D0%B5%D0%BB%D0%BE_%D0%89%D1%83%D0%B1%D0%BE%D1%98%D0%BD%D0%BE.jpg)
![](http://chped.net/https/upload.wikimedia.org/wikipedia/commons/thumb/c/c0/%D0%92%D0%B8%D0%BA%D0%B8%D0%B5%D0%BA%D1%81%D0%BF%D0%B5%D0%B4%D0%B8%D1%86%D0%B8%D1%98%D0%B0_%D0%9F%D1%80%D0%B5%D1%81%D0%BF%D0%B0_155.jpg/300px-%D0%92%D0%B8%D0%BA%D0%B8%D0%B5%D0%BA%D1%81%D0%BF%D0%B5%D0%B4%D0%B8%D1%86%D0%B8%D1%98%D0%B0_%D0%9F%D1%80%D0%B5%D1%81%D0%BF%D0%B0_155.jpg)
Нема пишани документи, но според кажувањето на постарите љубојнчани, првото училиште во селото било изградено во втората половина на 19 век. Училиштето било малечко и само со две училници.
Потоа, во 1907 година, со доброволна работа на селаните, изградено е ново и просторно училиште на два ката, во близината на сретселото, а во дворот на старото училиште. Првата настава во новото училиште започнала во 1908 година, а за први учители биле назначени: Климе, Каролина и Лена, сите Македонци од Охрид, што докажува дека во крајот на 19 век во Охрид брзо напредувала писменоста.
Во текот на Првата светска војна, како и меѓу војните, училиштето во Љубојно имало повеќе намени. Така, по поделбата на Македонија, тоа било користено за болница на француските војски, за потоа во него да продефилира еден голем и различен по состав наставен кадар. Многу од нив ја обавувале својата просветителска должност, а некои биле само маша на буржуарскиот сталеж; го малтретирале македонското население, а децата ги учеле на туѓи јазици, неразбирливи за нив. Само во текот на Втората светска војна, македонските деца во Љубојно „ги учеле“: спрски, италијански, албански и бугарски „учители“.
Сите страдања, бруталности и непедагошки односи кон македонското население и невините Македончиња се окончале на 5 ноември 1944 година, со ослободувањето на Преспа од окупаторите. Престанале асимилаторските односи кон македонскиот народ од овој крај на Преспа, кон народот кој со векови трпел ропство и понижување.
По ослободувањето на 14 ноември 1944 година, за првпат во Љубојно се отворило училиште на мајчин - македонски јазик. Тоа е првото училиште на македонски јазик во Преспа, а второ во слободна Македонија, гордост на плеада интелектуалци кои го започнале своето школување на мајчин јазик.
Посебно внимание заслужуваат напорите на првите македонски учители во Љубојно, а тоа биле: Методија Јовковски, Благоја Ничевски и Јосив Кондовски од Љубојно, Филип Поповски од Долно Дупени и Фанија Чемчева од Воден, Егејска Македонија. Секако, посебно внимание и благодарност треба да им се даде и на голема група учители и наставници што ја продолжија наставната дејност во Преспа.
Подрачни училишта[уреди | уреди извор]
Во рамките на општинското основно училиште „Димитар Влахов“ се наоѓаат и пет подрачни основни училишта од прво до петто одделение, а чии ученици подоцна наставата ја продолжуваат во средишниот објект на училиштето во селото Љубојно. Овие училишта се:
- Подрачно основно училиште „Димитар Влахов“ во село Долно Дупени
- Подрачно основно училиште „Димитар Влахов“ во село Наколец
- Подрачно основно училиште „Димитар Влахов“ во село Штрбово
- Подрачно основно училиште „Димитар Влахов“ во село Крани
- Подрачно основно училиште „Димитар Влахов“ во село Сливница
Галерија[уреди | уреди извор]
-
Зградата на училиштето
-
Дворот пред зградата на училиштето
-
Влезот во училиштето
Наводи[уреди | уреди извор]
- ↑ Јовановски, Владо (2005). Населбите во Преспа (PDF). Скопје: Ѓурѓа. стр. 199–208. ISBN 9789989920554. Посетено на 26 ноември 2016.